Kona-bá eleisaun xefi aldeia

Foin lalais realiza iha territóriu tomak eleisaun ba lideransa komunitária sira, inklui eleisaun ba xefi de suku no mos ba xefi aldeia.

Hare ba kazu balun ne’ebe mosu katak wainhira kandidatu ba xefi aldeia mak ema ida de’it, panitia sira desidi katak la presiza halo votasaun. Katak kandidatu úniku automátikamenti sai xefi aldeia.

Ne’e la los!

Tuir lolos votasaun tenki halo nafatin mesmo ke kandidatu úniku hodi nune’e kandidatu bele hetan legitimidade husi votante sira. Se lae, kandidatu úniku sai xefi aldeia maibe karik laiha apoiu husi komunidade aldeia ninian.

Kandidatu barak ka kandidatu úniku tenki hetan kargu liu hosi eleisaun, selae aban bain rua sai xefi mas la reprezenta komunidade.

Advertisements

Marry Christmas

Sei falta fulan 3 atu Natal, maibe loja nain ne’e tara ona iha loja banner kona-bá Natal. Sala mak hakerek “marry”, laos “merry” fali. Katak loja nain hakarak kliente sira atu kaben ho Natal.

Kaben ho ema karik di’ak, ba kaben ho loron ne’e buat foun iha mundu tomak, maibe hahu uluk iha Xina ne’eba, tamba loja fan sasan mai husi Xina, loja nain ema Xina no banner mos hakerek tuir inglés xina nian. Mate ka lae?

Lakon ka la lakon nasionalidade?

​“Sira ne’e laos Timor oan, tuir kartaun eleitoral Indonesia nian ne’e sira ne’e ema Indonesia ona (…)”. Liafuan ne’e mai husi Señor Deputadu Antonino Bianco. Tuir Señor Deputadu, membru UNTAS (União Nacional Timor Aswain) laos ona Timoroan.

Señor Deputadu seidauk halo analiza didiak karik. Lei Indonesia nian bandu ema iha nasionalidade ida tan wainhira iha ona nasionalidade Indonesia. Maibe lei Timor-Leste nian aseita ema nasional iha nasionalidade ida ka rua tan. Katak, iha Indonesia, Timor oan sira neebe iha nasionalidade Indonesia labele iha nasionalidade seluk tan, maibe wainhira sira iha rai Timor-Leste, lei fo dalan ba sira atu iha nasionalidade ida tan, mesmuke nasionalidade seluk mak Indonesia nian. Entaun, lakon ka lae nasionalidade?

Pizza ne’ebe diak liu iha Dili laran

Pizza! Hahan gostu ne’ebe mai hosi rai Itália.

wp-1467544725413.jpeg

Agora iha Díli laran restaurante balun mak tein no faan pizza. Maibe, ida diuk liu hotu-hotu mak pizza hosi restaurante ida naran Osteria Italiana.

wp-1467544837317.jpeg

Akonpaña ho serveja, coca-cola ka jus derok ida aumenta tan nia gostu.

wp-1467544937706.jpeg

Maibe buat ida mak ema servisu iha restaurante Osteria Italiana podia hare mak sira nia masmidar bein nakonu ho nehek. Wainhira hadia ida nee, furak liu tan.

Kokore’ek kole ona, kokotek tolun laek

Ida ne’e mak resposta ida di’ak hosi Dr. Mari Alkatiri ba Amo Martinho Gusmão, relasiona ho entrevista ne’ebe Amo ne’e fo’o ba jornal Matadalan.

«Kokore’ek kole ona, kokotek tolun laek. Fila fali sai avestruz atu subar nia ulun maibe’e ikun sai hela. Ema hotu2 hare’e momos nia ikun. Karik nia moe. Hau fiar nia sei hatene moe.

Ikus liu nia rekonyese “ZEESM (TL) IDEIA BRILHANTE”. MAIBE’E kontinua dehan “LA LOSS” nafatin. Hakarak justifika hatudu deit katak nia hakribit nafatin ZEESM tanba hatene no lakohi ZEESM atu sai susesu no referensia diak ba Timor-Leste tomak. Nia hatudu odio mos ba Fundadores ZEESM sira tanba bele moris iha kontradisaun ida konsidera ZEESM “ideia brilhante” maibe’e dehan fali “LA LOSS TANBA DISCRIMINA (MUNICIPIO SIRA SELUK)”.

Se’e maka koalia hanesa ne’ e bele duni nia iha kapasidade karik atu halo milagre no halo konversaun ba programa piloto ida atu sai kedas programa atu implementa kedas dala ida deit iha nivel nacional. Nune’e bele “brilhante” nafatin maibe’e sei la “diskrimina”.

Sai piloto atu bele karik sai ezemplu, referensia ida diak ba Timor-Leste tomak. Ne’e maka sala? Ne’e maka enfrakese fali Estado? “Brilhante, maibe’e la los”. Hatete mai deit senhor “intelektual bot Timor-Leste” nian. Ita hotu mos rona sa’ida maka ida2 nia pasadu. Balu iha politika, balu mos iha Universidade iha Rai liur. Ita hotu hatene sa diploma maka ita ida2 iha no halo nusa maka ita hetan Diploma sira ne’ e.

Labele kahur lis mean ho lis mutin tau hamutuk ho alfase no fakar mina nu ba leten atu fo ba timor oan sira atu han. Hakarak ka lakohi, salada atu diak tenki uza azeite ho tua sik uituan. La’os mina nu. Timor oan sira mos, biar la liu husi Universidade iha Rai liur, hatene momos sa’ida maka los, sa’ida maka la los. Bibi atan karik mos tenki hatene lori bibi sira atu han du’ut diak. Nune’e bele garanti “Bibi” sira nia isin diak no espiritu mos diak. Bainhira “Bibi atan” iha vida lor-loron atu bosok “bibi” sira “bibi” sira mos sei hadok an husi “bibi” atan ida ne’e . Tanba nia la sai ezemplu ida ke diak.

Abrasus.»

Hosi: Facebook