Ami nia direitu ba “lae/lakoi”

mmortagua“Hai, o nia naran saida? – Deskulpa, hau la koñese o. Hau hamutuk o hau nia kolega sira. – Mai ona, hatete de’it o nia naran sa. – Hau lakoi koalia duni, deskulpa. – Lakoi? Tamba sá? – Hau lakoi… – Mai ona, hau hatene o hakarak sá! – Lae, hau lakoi, hau sibuk los. – O hanoin o mak kapas liu ona ka?”

Sai feto ne’e tenki hatete “lae” dala barak, tamba hatete “lae” dala ida de’it ne’e sei la to’o. Ami halo atu enkontru hirak ne’e, diálogu hirak ne’e sai naturál, to’o ikus ami hetan ami nia estratégia de defesa rasik. La hatudu an demais hodi halo ema barak hateke ita iha situasaun balun ka iha kolega balun hamrik besik ita hodi sira bele fo’o ajuda se karik situasaun sai komplikadu. Ami abitua ho sisi sira ne’e ne’ebe halo ita sente la konfortável hanesan mos sosiedade abitua fo’o deskulpa ba sisi sira ne’e. Tamba se hau mesak iha ne’eba, ne’e tamba hau hakarak koñese ema ruma. Tamba se hau dehan “lae”, ne’e tamba hau hakarak hatudu an katak susar atu hetan hau. Tamba se hau fihir o, ne’e tamba hau hakarak provoka o, no se hau hakarak provoka o, ne’e tamba ha’u hakarak buat ruma, maske hau dehan “lakoi”.

Ita la senti ona hanesan violasaun, maibe ne’e violasaun dunik, no violasaun ho forma oin-oin, ho kasar ne’ebe ita bele sukat oin-oin. Husi mane ida ne’ebe sisi ita iha bar to’o mane ida hakarak fo’o seksu, maske ita nunka husu ka hakarak. Husi mane deskoñesidu ne’ebe kona ita nia isin to’o ita nia kolega ne’ebe rei ita maske ita lakoi, karik mos to’o mai halo seksu maske ita lakoi, maibe, tamba razaun balun, akontese sem ke ema ida la obriga, razaun ida karik mak lanu todan. Hau hatene história barak ne’ebe atu hanesan ho história iha leten. Ne’e história husi hau nia kolega feto sira no, iha kazu balun, ne’e hau nia história mos.

Kultura violasaun laos moris de’it husi imagem agressiva e violenta ne’ebe lao hamutuk ho liafuan “violensia”. Liafuan piropo ne’ebe ita la husu, assédio light, sisi ne’ebe la konfortável ba ita, hahalok ne’ebe laiha konsentimentu, ne’e hotu mai husi prinsípiu ne’ebe hanesan. Prinsípiu katak liafuan “lae/lakoi” ne’ebe feto koalia, ninia valor la aas liu mane ninia hakarak. No mane sira iha direitu atu koalia sai sira nia hakarak, maske ida ne’e bele kontra feto nia direitu atu senti incomodada, atu lakoi sai alvo ba mane nia vontade.

Igualdade entre mane ho feto lao ba oin iha tinan ikus-ikus ne’e. Maibe iha direitu balun ke ita labele hetan de’it liu husi dalan legal, no iha mos prekonseitu balun ke sei iha nafatin no hetan atualizasaun. Direitu ba igualdade atu dehan “lae/lakoi” mak direitu ida husi direitu balun ne’e. Iha loron 25 fulan Maiu, pelo menos iha Lisboa no Porto, feto sira atu sai ba estrada atu dehan Lae ba Kultura Violasaun. Hein katak ita feto barak mak sei partisipa.

Mariana Mortágua, Deputada husi Bloco de Esquerda

Artigu orijinál ho lian portugés iha ne’e

Advertisements

Tinan 15: parabéns Timor-Leste

IMG_5703-copy

Loron 20 fulan Maiu tinan 2002: ha’u hamriik iha Tasi Tolu, hamutuk ho povu timor, hakilar “Viva Timor-Leste!”, hananu hino nasionál “Pátria” no sai sasin ba momentu Francisco Guterres Lú-Olo proklama restaurasaun independensia República Democrática de Timor-Leste ninian.

IMG_2511_copy

Loron 20 fulan Maiu tinan 2017: ha’u hamriik iha Tasi Tolu, hamutuk ho povu timor, hananu hino nasionál “Pátria” no sai sasin ba momentu Francisco Guterres Lú-Olo simu posse hanesan prezidente foun República Democrática de Timor-Leste ninian.

Parabéns Francisco Guterres Lú-Olo!

Parabéns Timor-Leste!

Taka Facebook rezolve saida lós?

Señor Deputadu Leonel Marçal, ita boot hanesan deputadu podia hatene oituan kona-bá direitus, liberdades no garantias ne’ebe hakerek iha Konstituisaun Timor-Leste nian.

Konstituisaun hanesan lei-inan no lei ne’ebe aas liu iha Timor-Leste. Iha lei ne’e hakerek dehan katak ema hotu-hotu iha direitu atu liberdade de expressão, katak ema hotu-hotu iha direito atu hateten sai saida deit mak hakarak hateten, bele liu husi Facebook, blog, jornal, televizaun ka buat seluk tan. No mos wainhira ema uza liberdade ne’e atu tolok ema ka hafoer ema nia naran, vítima bele uza lei hodi foti medidas hasoru ema tolokten, laos medidas hasoru ema hotu-hotu inklui ema ne’ebe la halo sala ida.

Tamba medidas señor deputadu hakarak mak taka Facebook, maibe ida ne’e afeta ba ema hotu-hotu ne’ebe uza Facebook. Ne’e la justo, tamba uzer Facebook barak uza programa ne’e ba buat ida ke diak, laos ba hateten sai liafuan hodi estraga imajen Nasaun.

Se karik señor deputadu sei nafatin ho hanoin hanesan ne’e, la kleur tan ita tenki taka aeroporto tamba malae sira mai lori aimoruk droga tama ba Timor-Leste, tenki bandu ema hotu-hotu uza kareta ka motor tamba barak halai la hatene regras, tenki taka polisia tamba baku jornalista arbiru, tenki taka Governu tamba estrada barak, hospital no eskola seidauk hadia no tenki taka mos Parlamentu tamba deputadu koalia arbiru.

Se señor deputadu hakarak par ema hatudu lalahok diak iha Facebook, diak liu señor deputadu sai profesór deit ona, tamba mudansa ba komportamentu ka hahalok no mos mudansa ba hanoin ema ninian sei akontese liu hosi prosesu hanorin no aprendizajen.

Sé lós mak la fo’o valor ba bandeira RDTL?

juventude_bandeira

Deputadu balun kondena maka’as hahalok grupu juventude balun ne’ebe hakerek ‘buradu’ bandeira RDTL.

Tuir lolos Señor Deputadu sira, juventude la hakerek “buradu” ida, maibe sira hakerek assina iha bandeira.

Deputadu Manuel Castro, Manuel Guterres no Natalino dos Santos lamenta tebes tanba hahalok ne’e la valoriza simbolu nasaun nian, ne’ebe maka povu rihun ba rihun sosa ho ruin, ran no isin lolon.

Señor Deputadu sira, hahalok ne’e laos sira halo tamba la fo’o valor ba bandeira RDTL, maibe tamba bandeira ne’e mak símbolu ne’e dunik mak juventude assina bandeira.

Deputadu hirak ne’e sublinha katak aktu hakerek ‘buradu’ bandeira RDTL ne’e krime tanba ne’e Polisia Nasional Timor-Leste bele foti ona medidas ruma.

Señor Deputadu sira, podia imi nain tolu hateten sai krime riska buradu ne’e hakerek iha Kódigu Penál iha seksaun saida no artigu nómor hira? Tamba, tuir lolos, krime saida dei’t mak iha, hakerek iha Kódigu Penál. Wainhira la hakerek iha Kódigu Penál, jadi ne’e laos krime ida. Atan oan hau ajuda lai deputadu sira: parese krime ne’e hakerek iha artigu 206 iha Kódigu Penál, koalia kona-bá ultraje ba símbolu nasionál. Iha ne’e koalia kona-bá “ofende bandeira”, maibe labarik sira la ofende bandeira ida, sira hatudu sira nia kontente no orgullu liu husi asina bandeira. Nune’e krime iha ne’ebe los?

Brigadeiru-Jenerál Filomeno Paixão hateten katak juventude tenki respeita bandeira nasionál no señor Primeiru-Ministru mos mai deklara katak presiza buka hatene, tanba saida mak sira pinta estraga bandeira ne’e.

No atan oan hau husu: juventude mesak mak tenki respeita bandeira RDTL ka ema hotu-hotu? Nusa la buka hatene mos tamba saida mak Xanana Gusmão pinta estraga bandeira RDTL?

21591d_18506bf926dd4c1ab9cb7e29b3403a49
Arte ka krime?

Agora daudaun polisia komesa ona halo investigasaun ba aktu ida ne’e. Podia mos investiga ema ne’ebe gambar iha bandeira hanesan hatudu iha foto. Tamba ema ne’e gambar iha bandeira, depois dehan ne’e arte. Nusa la investiga?

139295589
Ne’e krime ka lae Señor Deputadu sira? Ka lei la aplika ba ema boot sira?

Iha fatin barak iha Díli laran ita bele hare ho matan bandeira RDTL nakles. Bandeira RDTL merese dunik respeitu husi ema hotu-hotu, maibe Señor Deputadu sira labele mai hakilar iha media katak juventude sira nia hahalok la diak no la respeita bandeira RDTL. Se atu hakilar, diak liu hakilar ema ne’ebe uluk hakerek ka gambar iha bandeira RDTL, no ema ne’ebe husik bandeira RDTL to’o nakles, no mos ema ne’ebe faan bandeira RDTL ho kor sabraka nian duke kor kinur. Rezolve tia lai problema hirak ne’e, depois bele mai hakilar juventude sira no kesar ba polisia.

Sobre a condenação de João Câncio

João Câncio, ex-ministro da Educação, condenado pelo Tribunal Distrital de Díli a 7 anos de prisão e a pagar 500.000 dólares norte-americanos. Possíveis consequências? Ir a recurso e ser absolvido, ou ainda, ir mesmo para a prisão e cumprir apenas 1 ano encarcerado para depois ser libertado pelo presidente da República. A última destas hipóteses já nem é novidade, pois assim nos habituaram os presidentes Horta e Matan Ruak. Ao contrário do povo bainbain, político que comete crime e é julgado, condenado à prisão, cumpre apenas 1/3 da pena e depois é liberto pelo Presidente da República. Em Timor-Leste, a lei não é igual para todos.

Timor-Leste tem chefe

Poucos dias atrás o ministro Xanana Gusmão foi, como testemunha, ao tribunal, onde teceu as mais impressionantes declarações quando questionado sobre o caso de droga que envolve o policial Calisto Gonzaga:

“Ordem nee mai husi hau, tribunal labele dehan ordem nee ilegal. Hau mak autoriza, sira labele koalia buat barak. Tanba segredu nasaun nee hau hatene barak liu sira. Neebe iha forsa laiha ordem verbal ou eskrita maibe kumpri deit. Calisto so kumpri deit ordem superior nian. Tuir los laos nia mak sai arguidu maibe hau mak sai arguidu ba kazu nee. Neebe tribunal labele fo kastigu ba nia, maske kastigu nee fulan ida. Calisto kumpri deit ordem, no ordem neebe hau fo tanba iha interese rede internasional”.

Ou seja, Xanana praticamente ordena ao tribunal para não julgar o Calisto, porque este apenas cumpriu uma ordem dele Xanana. Mas o que Xanana esquece-se é que existem leis em Timor-Leste, que ninguém está acima da lei e que mesmo um agente da polícia pode recusar cumprir uma ordem do seu superior hierárquico se estiver convicto de que o cumprimento dessa ordem leva à violação da lei.

E como se não bastasse, Xanana justifica ainda que a decisão dele baseou-se no acordo que existe entre Timor-Leste e Indonésia para extraditar quem cometa crimes relacionados com droga para serem julgados na Indonésia onde lhes será aplicada a pena de morte:

“Bainhira iha kazu ruma mosu hanesan nee, Estadu tenke haruka fila ba Indonezia hodi simu pena morte tuir lei kodigu penal Indonezia nian.”

Só que em Timor-Leste, segundo o n.º 3 do artigo 29.º da Constituição, não existe pena de morte. Mas a Constituição vai mais além, a ponto de não permitir a extradição de qualquer pessoa se for para esta ser condenada com pena de morte em outro país; ora veja-se o n.º 3 do artigo 35.º:

«Não é permitida a extradição por crimes a que corresponda na lei do Estado requisitante pena de morte ou de prisão perpétua, ou sempre que fundadamente se admita que o extraditando possa vir a ser sujeito a tortura ou tratamento desumano, degradante ou cruel.»

Logo, havendo tal acordo entre Timor-Leste e Indonésia como referiu Xanana, este é inconstitucional e não pode o senhor Xanana usar-se do mesmo para justificar as suas ordens e acções.

Mas como Xanana Gusmão assume uma figura de chefe de Timor-Leste, as leis e o direito de nada valem perante a vontade deste senhor. E enquanto assim for, o presente e o futuro desta Nação está gravemente comprometido.