Povu konfia F–FDTL, maibe F–FDTL kung-fu fali povu

Hafoin rona kazu ida katak foin dadauk oknum FALINTIL–Forsas Defeza Timor-Leste (F–FDTL) baku juis ida iha Hera, halo ita hanoin kona-bá saida mak sira hanorin iha instituisaun F–FDTL? Namdigas katak sira aprende mak tiru malu, baku malu deit? Maibe la aprende kona-bá respeitu, dignidade ema nian no dever militar sira nian.

Tuir lolos Estadu harii forsas seguransa hodi sira defende no proteje povu, laos  atu baku fali povu. Baku ema ne’e krimi ida, pior liu tan se baku juis ida. Laos dei’t krimi hanesan hakerek iha Kódigu Penál, maibe ita bele konsidera hanesan krimi imoral, no atitudi hanesan ne’e mak hatun imajen ka kredibilidade F–FDTL ninian. Tanba se oknum F–FDTL baku juis ida, entaun wainhira hasoru povu bain-bain mak halo violensia aat liu tan.

Ita hotu hatene katak oknum F–FDTL wainhira hatais farda militar sira nia jeitu aat mos komesa sai ona, sira halo buat hotu konforme sira nia hakarak no hanoin karik katak lei la kona sira. Ne’e sala bo’ot no hatudu momos katak oknum F-FDTL la respeita lei, la respeita ierarkia, la respeita Órgaun Soberania no la respeita ema nia direitu.

Se karik F–FDTL lakohi lakon konfiansa husi povu, entaun tenke halakon komportamentu aat hirak ne’e husi instituisaun nia laran, se lae aban bainrua F–FDTL mak sai inimigu povu ninian.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s